Атырау қаласы №10 «Құлыншақ» балабақшасы туралы мәлімет

Атырау қалалық білім бөлімінің 2009 жылдың шілде айының 15-де №440 бұйрығы негізінде №10 «Құлыншақ» балабақшасы коммуналдық мемлекеттік қазыналық кәсіпорын болып құрылған. Сол жылдың құрылыс жұмыстарының аяқталмауына байланысты Атырау облысы әкімінің бірінші орынбасары Болат Асылұлы Даулетовтің қатысуымен 2009 жылдың 7 қазаны күні 160 орындық 7 топқа арналған №10 «Құлыншақ» балабақшасы іске қосылған.

Атырау қалалық білім бөлімінің 2009 жылдың қаңтар айының 13-дегі №8 бұйрығы негізінде  №10 «Құлыншақ» балабақшасының директоры болып Сара Самиголлаевна Мерекесова  2010 жылдың 24 қарашасына дейін директорлық қызмет атқарды.

Қалалық білім бөлімінің 2010 жылдың 24 қарашасындағы №254 бұйрығы негізінде №10 «Құлыншақ» балабақшасының директоры болып Алмажай Базаргалиевна Арыстанбаева тағайындалған.

Атырау қалалық білім бөлімінің 2011 жылдың шілде айының 11-індегі №430 бұйрығы негізінде 120 орындық 5 топтық жапсаржай іске қосылған.

Директор А.Б.Арыстанбаева 2013 жылдың 1 наурызына дейін директорлық міндетін атқарған.

Атырау  қалалық білім бөлімінің 2013 жылдың 30 сәуіріндегі №104 бұйрығы негізінде Алия Халеловна Бахтиярова №10 «Құлыншақ» балабақшасының директоры болып тағайындалды.А.Х.Бахтиярова 2015 жылдың 1 маусымына дейін директорлық міндетін  атқарды.

№10 «Құлыншақ» балабақшасының қазіргі директоры Роза Узаккалиевна Багитова 2015 жылдың 21 маусымынан бастап директор болып тағайындалды.

№10 «Құлыншақ» балабақшасы екі қабатты ғимарат. Балықшы Б.Аманшина 5 үйінде орналасқан.

Балабақшада 12 топ мемлекеттік тілде қызмет етеді.

Балабақша 280 орындық

Балабақшаның жалпы алаңы 2856,26 шаршы метр.

Балабақшада мұрағат сақтайтын арнайы бөлме бар.